Zintzharri taldeak irabazi du Beasaingo areto futbol txapelketa
Beasaingo Loinatz jaietako Koadrillen egunaren barruan, areto futbol txapelketako finala jokatu dute gaur. Txarangak eta blusa koloretsuz jantzitako koadrillak lagun zituztela, giro ederra izan da partida osoan zehar. Ligaxka eta kanporaketak jokatu eta gero, Zintzharri eta Jazpana taldeak iritsi dira finalera. Beltzezko taldeak aurrea hartu du markagailuan, eta nagusi izan da lehia osoan zehar. Azkenean, 4-2ko emaitzarekin irabazi dute Zintzharrikoek. 
