Urretxuko Udalak udaltzaingoaren egoitza berritu du
Urretxuko Udalak udaltzaingoaren bulegoen egokitze lanak bukatu ditu. Hori dela eta, hemendik aurrera herritarrak ohiko sarreratik sartu behar dira udaletxera eta udaltzaingoaren bulegoetara: Abenida kaleko sarreratik. Urretxuko Udalak udaletxea zaharberritu
Urretxuko Udalak udaltzaingoaren bulegoen egokitze lanak bukatu ditu. Hori dela eta, hemendik aurrera herritarrak ohiko sarreratik sartu behar dira udaletxera eta udaltzaingoaren bulegoetara: Abenida kaleko sarreratik.
Urretxuko Udalak udaletxea zaharberritu zuen 2007-2011 legealdian, baina obra bukatu gabe gelditu zen. Udaltzaingoaren bulegoa egokitzea falta zen, besteak beste. Egindako lanari esker, udaltzaingoak orain arte baino harrera bulego handiago eta argitsuago bat du. Honenbestez, udaltzaingoaren egoitza erosoagoa eta atseginagoa da, bai udaltzainentzat eta bai beraiengana jo beharra duten urretxuarrentzat.
Aurten, obra honetaz gain, beste bi egin behar dira udaletxean: Gizarte Zerbitzuetako sailaren egoitza konpartimentuetan banatuko dute eta artxibategi berria prestatuko dute. Artxibategi berria beheko solairuan egongo da. Artxibategiko obra ia bukatuta dago eta gizarte zerbitzuetakoa, berriz, gaur hasi dute. Hiru obra hauen aurrekontua 203.000 eurokoa da.
