Itsasoko San Bartolome jaiak, giro onean eta parte hartze handiarekin

Maialen Igartua

2016/08/29

Herri kirol desafioan parte hartu zuten herritarrak. / Arg. : Pilare Muxika

Atzo amaitu ziren San Bartolome jaiak Itsason. Antolatzaileen esanetan, “jaiak oso pozik joan dira” eta herritarren parte hartzea handia izan da. Larunbateko paella janean, esaterako, 200 lagun inguru bildu ziren. San Bartolome eguneko Imanol Ituño magoaren ikuskizunak ere plaza bete zuen. Hainbat lehiaketa izan dira San Bartolome jaietan. Pilota espress lehiaketan, Unai Alberdik irabazi zuen helduetan, eta Oier Prietok haurretan. San Bartolome eguneko toka lehiaketan, berriz, Urretxuko Antonio Calvo eta Itsasoko Pilare Muxika izan ziren irabazleak. 44 lagunek parte hartu zuten. Joan den ostiralean, mus txapelketa jokatu zen. Amezketako Lurdes Tolosa eta Juan Miguel Loidi izan ziren lehenak, Ormaiztegiko Noelia Cuerva eta Josu Arranz bigarrenak, eta Urretxu-Zumarragako Mikel Gil eta Iñigo Fernandez hirugarrenak. Larunbatean, berriz, mendi bizikleta trabesia egin zuten 16. urtez. Bero handia egin zuenez, ibilbidea apur bat aldatu behar izan zuten. Aitor Pradini izan zen lehena helmugaratzen, Galder Azkue bigarrena eta Egoitz Segurola hirugarrena. Jaione Sasieta itsasoarra izan zen lehen emakumea, eta Gorka Sasieta lehen herritarra. Mendi bizikleta trabesia amaituta, paella eta untxi lehiaketa egin zuten plazan. 16 bikotek parte hartu zuten: zortzik paella prestatu zuten eta beste zortzik untxia. Untxi onena Luis Angel eta Maixa senar emazteek prestatu zuten, eta paella onena Antibarreneko Izaskun eta Ormaiztegiko Ainitzek. Atzo, jaiak amaitzeko, herri kirol desafioa egin zuten herritarren artean. Amaieran, fardo lastoa ea nork gorago bota lehiatu ziren. Xabat eta Unai aranburu anaiak lehiatu ziren finalean, eta Xabatek irabazi zuen.

ELKARRIZKETAK

ERREPORTAJEAK

KIROLA

Azken bideoak

Argitalpen bereziak