Pintaketa faxistak azaldu dira Ataunen eta Legorretan
Ataungo eta Legorretako horma batean faxismoari erreferentzia egiten dioten pintaketak egin dituzte, ezezagunek. Atzo salatu zuen Ataungo Ernai gazte erakundeak, Facebooken. Ataunen, “Nazis Ataun” idatzi, eta esvastikekin inguratu dute esapidea. “Ez dakigu baten baten umekeria izan den edo benetan eraso faxista izan den, baina ez dugu onartuko gure herriko paretak sinbolo nazkagarri horiekin zikintzea”, salatu du Ernaik.
Erantzuna berehala izan du pintaketak, azpian, espraiz idatzita, “Antifaxista” idatzi baitute gero.
Legorretan, berriz, paper fabrika zaharreko horman “Legofachas” idatzi dute, esvastika batekin batera.
