Kantu giro aparta Segurako kaleetan

Goierriko III. Kantu jira ospatzen ari dira 300 lagun inguru

I. Gurrutxaga

2016/09/17

Goierriko 3. Kantujirara bildutako, gaur eguerdian, Segurako plazan. Arg.: I. Gurrutxaga

Beasaingo eta Idiazabalgo ekitaldien ondoren, Segurako kaleetan ospatzen ari dira aurten Goierriko III. Kantu jira. Baratze pilotalekuan eman diote hasiera egunari, eta segidan herriko hainbat auzo eta kaletan geldialdiak egin dituzte kantuan aritzeko: Akelarre auzoan, Kalegoenen, Bolalekun, udaletxe aurrean… Eguerdiko saioa plazan bukatu dute, Euskara plazara kantu ezaguna abestuz. Azpilla dantza taldeko bost dantzarik kantuaren erritmoan dantza egin dute gaurko egunera bildu diren 300 lagun inguru kantuan ari ziren bitartean. Kuxkuxtu txarangaren kalejira doinuek ere girotu dituzte Segurako erdiguneko kaleak. Bazkalondorenean, Tobera musika eskolakoen kantu ekitaldia izango da, eta 18:30ak aldera bukatuko dute eguna, Agur jaunak abestuz.

Azken elkarrizketak

Azken bideoak

Argitalpen bereziak