Siriar Karabana Kulturalaren baitan haurrak protagonista arratsaldean
Ostegunaz geroztik Siriar Karabana Kulturala Goierri garaian dago bisitan. Gaur arratsaldean, haurrentzako ekintzak ari dira burutzen Areizaga-Kalebarren plazan. Ondoren, artista siriarren eta euskaldunen erakustaldiez gozatzeko aukera izango da leku berean.
Ostegunaz geroztik Siriar Karabana Kulturala Goierri garaian dago bisitan. Gaur arratsaldean, haurrentzako ekintzak ari dira burutzen Areizaga-Kalebarren plazan. Ondoren, artista siriarren eta euskaldunen erakustaldiez gozatzeko aukera izango da leku berean. Gauean, afaria egingo dute siriarrekin Casino elkartean.
Horretaz gain, siriar arte erakusketa ikusgai jarri dute goizetik Areizaga-Kalebarrenen, eta 11:30ean ‘Astral’ filma ikusteko aukera izan da Zelai Ariztin.
Bihar Legazpira mugituko da karabana kulturala. Egun osoan zehar siriar arte erakusketa egongo da ikusgai Euskal Herria plazan. 13:00etan siriar film laburren proiekzioa izango da eta ondoren, siriarren egoerari buruzko solasaldia. Eguerdi partean poteoa egingo dute siriar artistekin batera. 
