Lapke da Gipuzkoako klub txapelduna
Lazkaoko Lapke pilota elkartea Gipuzkoako Kluben Arteko Txapelketaren irabazle da, 1. Mailan. Iraitz Zubizarreta eta Beñat Garmendia bikoak —ezkerrean— 22 eta 4 menderatu du finalean Errenteriako EPLEko Urmeneta-Aranburu bikoa. 6-0 aurreratu ziren lazkaotarrak, eta kadentzia horrekin, aise egin zuten txapeleraino. Finala Idiazabalgo Igarondo frontoian jokatu zen, larunbat goizean. Ohorezko Mailan, Santxo-Gorrotxategik (Pagazpe, Usurbil) 22-14 irabazi zieten Arrieta-Azpitarteri (Hernani). 
