Mozorro festa dute gaur Ormaiztegiko San Andres jaietan

Bihar odolki eguna egingo dute.

Goierriko Hitza

2016/11/26

Mozorro eguna dute gaur Ormaiztegian, San Andres jaietan. Lagun taldeak mozorrotuta atera dira goizetik, eta eguerdian herri bazkarian elkartuko dira guztiak, Zubipe kiroldegian. Arratsaldean, berriz, 17:00etan, zezentxoak eta poniak izango dira 16 urtetik beherako gaztetxoentzat kiroldegi kanpoaldean. 18:00etan, mozorroturiko lagun taldeen jaitsiera egingo dute Elektropatxarangaren doinuak jarraituz herriko kaleetan zehar. 20:00etan, mozorro lehiaketako sari banaketa Muxika egurastokian. Iluntzean eta gauean, Trakets taldearen eskutik kontzertua izango da Muxika egurastokian.

Bihar, odolki eguna · 10:00-14:00. Haurrentzako jolas parkea Zubipe kiroldegian. · 11:00-14:00. Odolki Eguna. -Ormaiztegiko 30. Odolki Lehiaketa. -19. Odolki osagaien azoka eta lehiaketa. -Busca Isusiri omenaldia bere jaiotzaren 100. urteurrenean Ramon Roteta sukaldariaren eskutik. -Ane Mujika gozogileari omenaldia Juan Jose Lapitz gastronomoarekin. -Ormaiztegiko Odolkia osagai duten plateren 15. Sukaldaritza lehiaketa. Eguerdian. Sari banaketak. -Jarraian, odolki pintxoen dastaketa Barduliarrak elkartearen laguntzarekin. -Ardo dastaketa Zumalakarregi kaleko karpan. · Goiz guztian zehar. Artisau produktu gastronomikoen azoka: gazta, euskal gozogintza, kontserbak, hestekiak, vermuta… · 19:00. Bentazaharreko Mutilko Alaien eskutik kantujira Muxika egurastokitik abiatuta.

Azken elkarrizketak

Azken bideoak

Argitalpen bereziak