Gorka Izagirre bigarren Australiako Down Under Tourrean
Gorka Izagirre txirrindulariak Australian hasi du 2017ko denboraldia, Down Under Tourrean. Urteko lehen itzulia da, eta 40 gradu inguruko tenperaturetan ari dira txirrindulariak. Atzo jokatutako bigarren etapan, lasterketa borobila egin zuen ormaiztegikoak, eta bigarren postuan sartu zen helmugan, Richie Porte irabazlearen atzetik. Sailkapen nagusian ere, Porte da liderra eta Izagirre doa bigarren.
Gorka Izagirrek Movistar taldearekin jarraituko du denboraldi honetan. Ion anaiak berriz, Bahrain Merida taldearekin ariko zela jakinarazi zuen duela hilabete batzuk.
