Korrika batzordearen bilera egingo dute bihar Legazpiko Kultur Etxean
Kilometroen banaketaz eta Korrika kulturalari buruz arituko dira
Bihar, 17:30ean, Korrika batzordea bilduko da Legazpiko Kultur Etxean. Bileran kilometroen banaketaz eta Korrika kulturalaz jardungo dira. Manex Mantxola, Goierri garaiko koordinatzailea bertan izango da azalpenak ematen. Bilera irekia da. Korrika apirilaren 8an, larunbata, 10:38an iritsiko da Legazpira. Martxoaren 30ean abiatuko da Otxandion (Bizkaia) eta Iruñean amaituko da apirilaren 9an. Korrika kulturalaren baitako ekintzei hasiera emango diete otsailaren 9an Gasteizen. 
