Ampo Ordiziaren Kopa partidara joateko bidaia antolatu dute
Bartzelonako Sant Boi hirian jokatu da partida igandean 12:00etan
Ordizia Rugby Elkarteak Bartzelonara bidaia antolatu du igandean Ampo Ordizia taldeak Santboiana taldearen aurka jokatuko duen Kopako finalerdiko partidara joateko. Partida eguerdiko 12:00etan jokatuko dute, Sant Boi hirian.
Irteera larunbatean izango da, 10:00etan, Zuhaiztitik (Arboleda). Prezioa 90 eurokoa da pertsonako eta barruan sartzen dira autobusa, Bartzelonako hotel batean gaua gosariarekin eta Sant Boiko zelaira garraioa.
Ordizia Ampo taldeari babesa ematera joan nahi dutenek klubeko banku kontu batean egin behar dute diru-sarrera. ‘Bartzelonara bidaia’ kontzeptua zehaztuz. Ondoren, mezu elektronikoa bidali behar dute info@ordiziarugby.eus helbidera, datuak emateko. Plazak mugatuak dira, baina autobus bat gehiago kontratatzeko aukera aztertuko du klubak eskaria handia bada.
Hauek dira kontu zenbakiak: ES75 0081 4261 82 00010 88312 (Sabadell Guipuzcoano), ES88 2095 5073 04 1063226491 (Kutxabank) eta ES49 3035 0054 53 0540004395 (Laboral Kutxa).
