Iztueta esnetegia ezagutzeko aukera dago igandean
Ate irekien bisita antolatu dute Lazkaoko baserri honetan
Lazkaoko Iztueta baserrira bisita gidatua antolatu dute, iganderako, hango esnetegiak eta Gipuzkoako Parketxe Sareak. Nondik dator esnea? izenburudun ate irekien saioa egingo dute. 11:00etan hasita, bi orduko saioa izango da. Helduek 8 euro eta haurrek (4-12 urte) 5 ordaindu behar dute. Izena eman behar da (943 18 03 35).
Iztueta baserriak bere abereak, ikuilua, zelaiak, esnetegia eta baserria erakutsiko dizkie bertaratzen diren familiei. Baserriko bizimodua ezagutzeaz gain bere produktuak dastatzeko aukera ere izango dute.
