Zotzekin zubiak egin dituzte Goierri Campuseko ingeniaritza ikasleek
Goierri Campuseko Mondragon Unibertsitateko ingeniaritza mekanikoko ikasleek, zutaberik gabeko bidezubia eraiki behar izan dute egurrezko zotzekin; gutxienez 150 kiloko karga jasango zuena eta dimentsio jakin batzuk beteko zituena. Planteamenduari erantzunez, ikasleek lana burutu dute eta proiektua aurkeztu dute gaur goizean Goierriko Campusean.
Bigarren urtez jarraian, antzerako planteamenduari erantzun behar izan diote ingeniaritzako lehenengo mailako gazteek. 45 ikasleren artean, taldeka, bederatzi zubi-maketa eraiki dituzte eta denek lortu dute ezarritako gutxieneko karga kopuruari eustea.
