Martxoko Feria egingo dute gaur arratsaldean Urretxun
Gaur arratsaldean Martxoko Feria ospatuko dute Urretxun. Herriko eta inguruko herrietako baserritarrak 15:00etan elkartuko dira, Gernikako Arbola plazan. Elkarrekin hitz egiteko aukera edukiko dute eta hainbat zozketatan parte hartuko dute.
Gaur arratsaldean Martxoko Feria ospatuko dute Urretxun. Herriko eta inguruko herrietako baserritarrak 15:00etan elkartuko dira, Gernikako Arbola plazan. Elkarrekin hitz egiteko aukera edukiko dute eta hainbat zozketatan parte hartuko dute. Ondoren, idi probak egongo dira.
Bertatik Bertara ekimeneko produktuen erakusketa eta salmenta egongo da. Gabiriako Baztarrika baserrikoek hainbat sari irabazitako gaztak salgai jarriko dituzte. Urteaga eta Zantagoiti baserrietako Gorka Sasietak eta Ander Kerejetak, berriz, barazkiak eramango dituzte. 17:00etan fruta arbolak zozkatuko dituzte bertaratzen direnen artean eta bertako produktuez osatutako saski bat Urretxuko emakume baserritarren artean. Gainera, arratsalde osoan zehar Urretxu eta Zumarragako idi eta idisko gazteen erakusketa egongo da. Igeldo, Sagaspe, Ipeñarrieta, Korta, Donardegi eta Olartek eramango dituzte idiak. Pare dotoreenari baba zakua emango diote.
Bukatzeko, 18:00etan idi proba erakustaldia egongo da Barrenkaleko probalekuan. Kortak eta Igeldok parte hartuko dute.
