Martxoko Feria ospatu dute Gernikako Arbola plazan
Martxoko Feria ospatu dute gaur arratsaldean Urretxun. Herriko eta inguruko herrietako baserritarrak Gernikako Arbola plazan elkartu dira. Elkarrekin hitz egiteko aukera eduki dute eta hainbat zozketatan parte hartu dute. Bertatik Bertara
Martxoko Feria ospatu dute gaur arratsaldean Urretxun. Herriko eta inguruko herrietako baserritarrak Gernikako Arbola plazan elkartu dira. Elkarrekin hitz egiteko aukera eduki dute eta hainbat zozketatan parte hartu dute. Bertatik Bertara ekimeneko produktuen erakusketa eta salmenta ere egon da. Gabiriako Baztarrika baserrikoek hainbat sari irabazitako gaztak salgai jarri dituzte. Urteaga eta Zantagoiti baserrietako Gorka Sasietak eta Ander Kerejetak, berriz, barazkiak eraman dituzte.
17:00etan fruta arbolak zozkatu dituzte bertaratu direnen artean eta bertako produktuez osatutako saski bat Urretxuko emakume baserritarren artean. Saskia Donardegi baserriko Lurdes Mintegik irabazi du. Gainera, Urretxu eta Zumarragako idi eta idisko gazteen erakusketa egon da. Igeldo, Sagaspe, Ipeñarrieta, Korta, Donardegi eta Olartek eraman dituzte idiak. Idi dotoreenei sariak Ipeñarrietakoek eta Sagaspekoek irabazi dituzte. Bukatzeko, idi proba erakustaldia egon da Barrenkaleko probalekuan. Kortak eta Igeldok parte hartu dute.
