Joan den edizioko irudia
Txapelketa amaieran banatuko diren dominen banaketa bideratzeko, CMAS tablaren arabera egingo da bi probetan lortutako puntuen batuketa eginez. Dominak sailkapenean geratu diren lehengo hiru neska eta hiru mutilei emango zaizkie. Bigarren eta hirugarren postuan geratu diren igerilariei kopa bana emango zaie eta lehengo postuan geratutako neska zein mutilari kopaz gain txapela bat emango zaie.
Ordizia K.E. Urpekoak taldeak, ahalegin guztiak egingo ditu txapelketan parte hartu behar duten O.K.E.U-ko 50 igerilariekin, probetan ahalik eta puntu gehien lortzen sailkapeneko lehen postuetan sailkatu ahal izateko.
