Trans zikloa antolatu dute Goierriko Zubia taldeak eta Beasaingo Udalak

Apirilaren 8tik ekainaren 28ra bitartean izango da. Herritarrak sentsibilizatu nahi dituzte.

Goierriko Hitza

2017/03/28

Zezilia Herrador zinegotzia, Maddi Imaz (Goierriko Zubia), Irma Arnaiz (zinegotzia), Ekaitz Goikoetxea sortzailea.

Goierriko Zubia taldearen eta Beasaingo Udalaren elkarlanetik sortu da lehenengo Beasaingo Trans zikloa. Hiru hilabeteko ekintza sorta osatu dute, apirilaren 8an hasi eta ekainaren 28ra bitartean. Irma Arnaiz zinegotziak zikloaren aurkezpenean esan zuenez, «errespetu kontu bat da trans zikloa. Transexualitatearen gaia ardatz hartuta, errespetua nahi dugu, aniztasunari eta ezberdin izateari errespetua. Sensibilizatu nahi dugu herria». Zikloaren datak ez dituzte kasualitatez aukeratu: «apiriletik ekainera bitartean izango da. Tartean bi data baitaude gogoan hartzekoak: maiatzaren 17a, homofobiaren kontrako eguna eta garrantzitsuena, ekintzari bukaera emango diona, ekainaren 28a, Nazioarteko sexu askapenareko egunean». Antolatutako ekintzak irekiak dira herritarrentzat. Ikastetxeetan ere egingo dituzte hitzaldiak eta antzezlanak transexualitatearen inguruan sentsibilizatzeko. Festetan, maiatzaren 27an eta ekainaren 2an, Bideluze plazan, mahai informatiboa ere jarriko du?Goierriko Zubiak taldeak. Bukatu berriz, jarrera positiboarekin bukatu nahi dute, festa giroan. Egitaraua

Apirilaren 8, larunbata. Aingeru Mayorren La necesidad de educacion sexual para comprender y aceptar la diversidad hitzaldia eta Niñas y niños liburuaren aurkezpena. Igartzako jauregian, 18:00etan.
Maiatzak 5, ostirala. Solasaldia, ekitaldi artistikoa. Ekaitz Goikoetxeak Mikele Granderekin solasaldia egingo du. Ondoren, Mahaitasunez ekitaldi artistikoa Olaia Baigorri, Ekaitz Goikoetxea, Eduardo Zudaire eta Andoni Amadozekin. Igartzako jauregian, 19:00etan.
Maiatzak 16 eta 17. Txindoki eta La Salle ikastetxeetan Kattalin Minerren eskutik, transexualitateari buruzko hitzaldi tailerra.
Ekainean Dar Dar produkzioaren Bulling eta Trans inguruko antzezlana ikastetxeetan.
Ekainaren 28an. Oraindik zehazteko daukate baina festa giroan ospatu nahi dute Igartza inguruan.

Azken elkarrizketak

Azken bideoak

Argitalpen bereziak