Liburuak trukatuz eta berrerabiliz
Seguran II. Liburu truke-azoka egiten ari dira. Bihar, 'Ipuin musikatuak' tailerra egingo dute kultur etxean.
Irakurzaletasuna sustatzeko eta etxeko liburuak berrerabiltzeko helburuz, bigarren eskuko II. Liburu truke-azoka egiten ari dira gaur eta bihar Segurako plazan. Eskolako haurrak izan dira azokako lehenengo bezeroak. Gaur, 20:00ak arte egongo da irekita; eta bihar, 12:00etatik 14:30era.
Liburuak trukatzeko eraman dituztenek, trukean beste liburu bat hartzeko txartela izango dute. Gainerakoek, liburuak erosteko aukera izango dute; bildutako dirua, Caritasentzat izango da.
Ipuin musikatuak bihar
Bihar, kultur etxean, Ipuin musikatuak tailerra egingo dute kultur etxean. LH1-3 mailakoek 16:30etik 17:30era izango dute saioa, eta LH4-6koek 18:00etatik 19:00etara. 
