Musika bandakoen pregoiarekin hasi dira Legazpiko santikutzak

I. Gurrutxaga

2017/04/29

Batis Armendariz eta Mikele Arizkorreta, gaur eguerdian, udaletxeko balkoian. Arg. Asier Zaldua

Hasi dira Legazpiko santikutzak. Legazpiko Musika Bandak 150 urte bete dituela eta, taldeko kide zaharrenak –Batis Armendarizek 50. urte daramatza bandan– eta gazteenak –Mikele Arizkorreta– izan dute 2017ko jaiei hasiera emateko ohorea. Arizkorretak bertso bidez irakurri du pregoia euskaraz (“Garaia dugu gure jaietan ganoraz disfrutatzeko” izan da azken puntua) eta Armendarizek gazteleraz irakurri du testua, legazpiarrei festa onak igaro ditzatela opatuz. Festak hasi besterik ez dira egin. Kuadrilla-herri bazkaria egiten ari dira orain, 17:00etan X. Pilota Txapelketa Herrikoiaren finalak jokatuko dira, 19:30ean R Ke R elekrotxaranga ibiliko da kalez kale, eta gauean, 232:30ean, Gozategi 25 urte kontzertua izango da Euskal Herria plazan, Gure Esku Dagok antolatuta.

Legazpiko santikutzak 2017

Santikutzak 2017. Pregoia Kaixo legazpiar gazte eta heldu kanpotar eta etxeko gaur jai kolorez jantzita gatoz beharrezko da tarteko bi mila eta hamazazpiko santikutzak ia hasteko balkoi hontara etorri gara pregoia aireratzeko mende eta erdi ia gure bandak bada zerbait ospatzeko garai hartako doinuak orain gogo handiz berritzeko kalerik kale goaz soinuaz zuei goza arazteko garaia dugu gure jaietan ganoraz disfrutatzeko.

Azken elkarrizketak

Azken bideoak

Argitalpen bereziak