BKLko neskek bi titulu lortu dituzte Gipuzkoako Txapelketan
Senior eta junior mailako taldeek txapel bana irabazi dute; kadeteak aldiz, txapeldunorde gelditu dira.
Hiru final jokatu eta bi irabazi. Hori da BKL saskibaloi taldeko neskek izan duten asteburu betearen balantzea. Senior eta junior mailako taldeek Gipuzkoako Txapelketa irabazi dute, bakoitzak bere kategorian; kadeteak aldiz, txapeldun orde gelditu dira, finaleko partida galduta.
Arri BKLren lehen taldeak Bera-Bera Gros taldea izan zuen aurkari final aurrekoetan, larunbatean Donostiako Bentaberri kiroldegian jokatutako partidan. Etxeko taldeari 49-57 irabazi zioten beasaindarrek, eta igandeko finalerako sailkatu ziren. Antigua Luberri talde indartsua zuten aurrez aurre, baina goierritarrek berriz ere partida ona egin eta 48-53 irabazi zuten. Gipuzkoako txapeldun izendatu ziren, eta horrela, datorren denboraldian, Estatuko 2. mailan aritzeko txartela lortu dute.
BKLko junior mailako neskak
