Leandro Lizarralde eta Antonio Etxaniz musean, eta Kontxi eta Maribel Izagirre puntuan
Arriaranen San Pedro jaiak ari dira ospatzen.
San Pedro jaiak ari dira ospatzen Arriaranen. Atzo, mus eta punttu txapelketak jokatu zituzten eta irabazleak, Leandro Lizarralde eta Antonio Etxaniz izan ziren musean, eta Kontxi eta Maribel Izagirre puntuan.
Biharko egitaraua
Bihar iluntzean ere festak jarraituko du Arriaranen: 18:00etan pilota partidak, 19:00etan haur jolasak, 20:30ean Arriantxoren erreketa eta 21:00etan afaria eta txotx itxiera egingo dute trikitilariekin. 
