Goierriko zortzi partaidetza proiektutara 29.070 euro bideratuko ditu Foru Aldundiak

Goierriko zortzi udalerrik aurkeztutako proiektuek lortu dute diru laguntza.

Goierriko Hitza

Goierri

Legazpiren kasuan, Agenda 21eko foroetarako aholkularitza espezializatua kontratatzeko izango da diru laguntza. / Legazpiko Udala

Foru Aldundiak 120.000 euro bideratuko ditu Gipuzkoako 36 udalerritako partaidetza prozesuak finantzatzeko. Udalerri bakoitzak proiektu bakarra aurkez zezakeen diru laguntza deialdira. Goierriren kasuan, zortzi udalek aurkeztutako proiektuek lortu dute laguntza. Guztira 29.070 euro bideratuko dira Goierriko partaidetza proiektuetara. Ondorengo zortzi udalek lortu dute finantzaketa:

URRETXU. 4.000 euro. Gobernu Irekirako Estrategia baten barnean herritarren parte hartzea instituzionalizatzea.
SEGURA. 4.000 euro. Espazio publikoan herritarrak erabakitzen, 2017ko partaidetza proiektu izarra.
ZALDIBIA. 4.000 euro. Zaldibia eraberritzen proiektua.
ITSASONDO. 4.000 euro. Denok bidean: herri bideen inbentarioa elkarrekin egin eta onartzea.
LEGAZPI. 3.800 euro. Agenda 21en herritarren foroak prestatzeko eta dinamizatzeko aholkularitza espezializatua.
ZUMARRAGA. 3.641,9 euro. Udal parte hartzaile bat ezartzeko indargune eta gabezien diagnostikoa.
ORDIZIA. 3.641,9 euro. Ordiziako hondakin mahaiaren jarraipena.
BEASAIN. 1.986,82 euro. Mugikortasun eta hirigintza arloko aukerak eta irtenbideak.