Familia eta kultura uztartuko dituzte Hip Hip Urri!-ren 34 ekintzek

Haurrak txikitatik kulturara hurbildu nahi dituzte. Goierriko hamasei herritan antolatu dituzte jarduerak, horietatik asko, herri ezberdinen artean osatutakoak dira

Goierriko Hitza

Altzaga,Arama,Ataun,Beasain,Ezkio,Gabiria,Gaintza,Idiazabal,Itsasondo,Lazkao,Legazpi,Legorreta,Mutiloa,Ordizia,Ormaiztegi,Zegama,Zerain

2017/10/05

Hip Hip Urri! egitasmoa aurkeztu dute Beasaingo Igartzako jauregian.

Hip Hip Urri! egitasmoa antolatzen duen Ikertze Kultur Elkarteak Beasaingo Igartzako jauregia aukeratu du aurtengo egitaraua aurkezteko. Herberehetan sortutako ideia oinarri hartuta, familiek kultur eta aisialdi jarduerak elkarrekin egingo dituzte «haurrak txikitatik kulturaz gozatzera ohitu daitezen». Gipuzkoa osoan, urrian, 137 jarduera antolatu dituzte; horietatik 34 Goierrin izango dira. Ekintza anitzak dira; guztiak, doakoak. Goierriko hamasei herrik egin dute bat egitasmoarekin: Idiazabal, Mutiloa, Zegama, Zerain, Ataun, Beasain, Gabiria, Ormaiztegi, Ordizia, Arama, Gaintza, Itsasondo, Legorreta, Lazkao, Legazpi eta Ezkiok. Berrikuntzak Berrikuntzen artean, Goierriko herrien arteko elkarlana nabarmendu du Leire De Miguel antolatzaileak, Goierriko hainbat herrietan egindako lankidetza ahalegina: «Egitasmo honek kultura sustatzeko baliabidea izan behar duela sinetsita, eskualdeko kultur eskaintza koordinatu eta elkarlanari bultzada emateko helburuarekin, hainbat herrik batera jarduera oso interesgarriak proposatzeko lan egin dute». Asteburuko ekintzak

Idiazabal. 6tik 11ra. Aizkorpe bailarako haurrek egindako lanen erakusketa Idiazabalen. 7, larunbata. Sandra Clivillek familientzako fieltro tailerra egingo du, 16:00etan.
Ordizia. 6, ostirala. Hitzaro euskara elkarteak antolatuta, ’Plaza bete poz’ dantzaldia, 17:00etan.
Ormaiztegi. 6, ostirala. Parketarrak, familia jolasak, Urtxintxa taldeak gidatuta, 17:00etan, parkean.
Beasain. 7, larunbata. Txilibutxof taldeak antolatuta, Gurpil?Festa egingo dute 2 eta 12 urte arteko umeentzat, 18:00etan, Arana kalean.
Ataun. 8, igandea. Ataungo 13. Argazki Rallya, 09:00etan hasita.
kultur ibilaldia 8, igandea. Gabiria-Ormaiztegi-Beasain kultur ibilaldia egingo dute, 09:45ean hasita. Ormaiztegin, 10:30ean, ‘Egun batez margolari’ tailerra. 13:00etan, Igartzan talo tailerra. Beasaingo Barrendain plazatik autobusa aterako da, 09:00etan. Bueltan Ormaiztegi eta Gabiriara joango da.

Azken elkarrizketak

Azken bideoak

Argitalpen bereziak