Loiolako auzipetuen alde bertso desafioa egingo dute bihar Gabirian
Gabiriako eta Azpeitiako taldeen arteko bertso desafioa egingo dute. Bildutako dirua, auzipetuei isuna ordaintzen laguntzeko izango da.
Loiolako herri harresiaren harira auzipetutako bi lagunen alde, hainbat elkartasun ekitaldi antolatu dituzte datozen aste eta hilabeteetarako. Bihar, Gabiriako eta Azpeitiako taldeen arteko bertso desafioa egingo dute. Gabiriako?Osinalde elkartean izango da saioa, 21:00etan.
Loiolako herri harresian parte hartu zuten bi lagun,?Beñat?Hach Embarek ormaiztegiarra eta Esteban Orbegozo azpeitiarra auzipetu egin zituzten. Epaitegietatik pasa ondoren, gertaeren erantzukizun zibila leporatu diete, eta 25.000 eurotik gorako isunari egin behar diote aurre. Gabiriako bertso saioko sarrerekin bildutako dirua, isun hori eta epaiketako gastuak ordaintzen laguntzeko erabiliko da.
Bertso afari formatua izango du desafioak. Gabiriako taldean Aratz Igartzabal Potto, Endika Igartzabal Anbu eta Gorka Maiz Paxtel ariko dira. Azpeitiakoan berriz,?Beñat?Lizaso, Leire Ostolaza eta Haritz Etxeberia Ministro. Gai jartzaile lanetan berriz, Jokin Murua ariko da.
Hilaren 17an Zumarragan
Gabiriako saioaren bide beretik, datorren astebururako bertso afaria antolatu dute Zumarragako Amalur elkartean. Hilaren 17an izango da, eta Aitor Sarriegi eta Iker Zubeldia ariko dira. 
