Iker Vicente eta Ruben Saralegi aizkolariek eskuratu dute gaur Beasaingo Antzizar Kiroldegian, Azpeitian jokatuko den binakako Urrezko Aizkorako finalerako txartela. 21 minutu eta 36 segundoan osatu dituzte egin beharreko sei lanak. Iñaki Azurmendi arriarandarrak eta Jon Rekondok, berriz, 23 minutu eta 21 segundo behar izan dituzte. Azken bi hauek, datorren asteburuan Oñatin jokatuko dute “errepeska”. Vicentek eta Saralegik, berriz, martxoaren 3an edo 4an, Atutxa II. eta Txikia IV. izango dituzte aurkari.
Emakumezkoetan, berriz, Irati Astondoa faltan izan dela, Nerea Sorondo beratarra nagusitu zaio Maika Ariztegi iturendarrari. Sorondok 8 minutu eta 56 segundo behar izan ditu bi lanak amaitzeko, eta Ariztegik, 9 minutu eta 35 segundo.
Harri jasotze txapelketan, azkenik, Imanol Illarramendi ‘Kortaberri’ aritu du lanean: 7 aldiz jaso du 175 kiloko harri errektangularra eta 6 aldiz 150 kiloko kubikoa. Illarramendi Azpeitian jokatuko den finalerako sailkatu da. Aimar Galarragak ere lortua du dagoeneko finalerako txartela.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez harpidedun, izan HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
