Hau ez da gure hezkuntza lemapean, greba deialdia egin du Ikasle Abertzaleak taldeak gaurko. Eskualdez eskualde manifestazioak egiten ari dira, eta eguerditik aurrera, hiriburuetan bilduko dira. Goierriko hainbat ikasle Beasainen bildu dira gaur goizean. Bideluze plazatik instituturaino joan eta etorriko ibilbidea egin dute. Protesta horiekin, «egungo hezkuntza sistema ez dela langile klasearen interesetara dagoen hezkuntza» aldarrikatu nahi dute Ikasle Abertzaleek. Bestalde, Ertzaintzak manifestazioan parte hartzen ari ziren hainbat ikasle identifikatu dituela salatu dute.
