Irribarriak 22-9 galdu du Ezkurdiaren aurka
Emaitza honekin, Iker Irribarria buruz buruko txapelketako finalerdietatik kanpo geratu da
Iker Irribarriak 22-9 galdu du Joseba Ezkurdiaren aurka Eibarko Astelena pilotalekuan. Porrot honen ondorioz, aramarra buruz buruko txapelketatik kanpo geratu da, eta Ezkurdia aldiz, final erdietarako sailkatu da. 2016an txapeldun atera zen Irribarria, eta iaz berriz, txapeldunorde. Lehen tantoetan nahiko parean ibili diren arren, arbizuarra izan da nagusi partidan zehar. Asteartean jakingo dugu noren aurka jolastuko duen Ezkurdiak final aurreko partida.
