1835. urteko Ordiziako setioaren errekreazioa egin dute gaur Barrena parkean

Goierriko Hitza

2018/05/19

Denboran atzera egin eta Ordizia 1835. urtera bueltatu da asteburu honetan. Izan ere, urte horretan karlistek Ordizia hartu zuteneko errekreazioa egin dute Barrena parkean. Ia 200 antzezlek, tropa karlista eta liberalen artean izandako borrokak antzeztu dituzte. Antzezpenak interes handia piztu du, jende ugari gerturatu baita eta Barrena parkeko inguruak bete dira. Ordiziaren 750. urteurrenaren barruan antolatu duten ekitaldia da hau. Lehendabiziko gerra karlistaren testuinguruan eta Villafranca, bastioi liberal bihurtuta, hiribildu txikia gatazka honen gerra-leku bihurtu zen. Soilik 600 fusilekin eta Maribaratza kanoiarekin armatuta, liberal ordiziarrak tropa karlistei aste bat baino gehiagoz aurre egiteko kapaz izan ziren. Bederatzi egun iraun zituen Ordiziako setioak, 1835eko maiatzaren 25etik, ekainaren 3a bitarte. Ia kanpoko laguntza gabe, ordiziarrek eraso karlistak defendatu zituzten. Espartero jeneralaren tropen Deskargako porrota bezalako kanpoko faktoreak ordea, ordiziarren errendizioaren arrazoi izan ziren. Gertakari hau, funtsezkoa izan zen Ordiziaren kapitulaziorako, Deba eskualdetik sartu ziren liberalen laguntza gabe ez baitziren kapazak izango karlisten aurreratzea eusteko. Biharko egitaraua

11:00: 1835ko setioa hitzaldia eta bisita gidatua. Hizlariak: Nerea Garmendia eta David Cano (Gure Iragana taldea). D’elikatuz zentroan.
11:00: Herriaren erdigunean Anakako (Irun) txirula eta danborren bandaren diana.
12:00 -14:00: Eraso berriaren prestaketa. Garnizioaren errendizioa. Barrena Parkean
Desfilea Plaza Nagusirantz.

Azken elkarrizketak

Azken bideoak

Argitalpen bereziak