San Adrianen erromeria eta zegamarrekin alkate makilen trukea egingo dute idiazabaldarrek etzi
Aspaldiko ohiturari eutsiz, San Adriango erromeria ospatuko dute dute etzi, larunbata. Autobusa 07:00etan aterako da Idiazabaldik Otzaurteraino. San Adriango Kobazuloko ermitaraino oinez joango dira. Bertan meza emango da eta ondoren Otzaurteraino jaitsiko dira, han autobusa hartu eta Zegamara abiatzeko. Han, alkate-makilen trukea egingo dute. Txistulariek eta dantzariek alaituko dute goiza eta ondoren hamaiketakoa banatuko dute.
Idiazabalera itzulita, Birigarro Txistularien Elkarteak egingo die ongi etorria eta elizaraino lagunduko diete erromesei. Ospakizunarekin bukatzeko, bazkaria eskainiko zaie.
