Euskal Herri osoko mendizale beteranoen taldeak elkartu dira Oiduin
Goierriko Mendizale Beteranoak taldearen 10. urtemugako ekitaldien barruan, Euskal Herri osoko jubilatu mendizaleen taldeekin topaketa egin dute gaur, Oiduin. Guztira 200 lagunetik gora elkartu dira bertan, eta festa giroko eguna pasa dute.
Talde bakoitza puntu jakin batetik atera da, eta Oiduin batu dira denak, eguerdirako. Goierriko mendizale taldeaz gain, Aitonak eta El Roble (Iruñea), Arkupeak (Doneztebe), Ziburuko taldea (Lapurdi), Burdiñola (Bilbo), Mendian euskaraz (Gasteiz), Helduen hitza (Donostia), Urdaburu (Oarsoaldea), Jaizkibel (Irun) eta Eibarko taldea etorri dira.
