Jakintza ikastolako ikasleek eman diote hasiera Ordizia Rugby Elkarteak hurrengo lau egunetarako antolatutako garagardo azokari. 18:30ean moztu dute zinta. Aurtengoa, antolatzen duten 19. azoka izango da. Garagardo kartan 22 mota egongo dira, Heineken etxearen laguntzarekin ekarrita. Jatekoa ere ez da faltako. Horrez gain, Chris Ruest blues musika banda Europan zehar dabil eta ferian egoteko tartea egin du. Ordiziarrocken laguntzari esker dator eta larunbatean 23:00etan joko du frontoi txikian.
Gaurtik hasita eta igandera arte, 18:00etatik 00:00etara egongo da zabalik garagardo azoka, Beti Alai pilotalekuan.
