Ezkioko Santa Lutzi auzoa jaietan dago
Larunbatean tortilla patata lehiaketa eta XVII. Santa Lutzi txirrindulari saria izango dira
San Pedro egunaren harira Santa Lutzi auzoan egiten dituzten jaiei ekin diete gaur Ezkion. Goizean meza nagusia izan da non bertako koruak organuari lagundu dion. Ondoren, Gabiriako Goruntz dantza taldearen saioa izan da eta mokadu baten bueltan elkartu dira auzotarrak karpa azpian.
Arratsaldean ume jolasak (17:30), txokolate jana (18:30) eta pintxo poteoa eta futbolin txapelketa (19:00) egingo dituzte. Gauean mus txapelketa (21:00) eta Trikuarri taldearen kontzertua (22:00). Afaltzeko ogitartekoak salduko dira.
Biharko egitaraua
- 12:00. Tortilla patata lehiaketa
- 16:00. XVII. Santa Lutzi Saria Euskal Herriko txirrindulari txapelketa
- 17:15. Puzgarriak
- 19:00. Toka lehiaketa eta futbolin txapelketaren finala
- 21:00. Herri afaria Santa Lutziko plazan.
