Kontzertu eta guzti dator Idiazabalgo Garagardo Azoka
Idiazabalgo Areto Futbol taldeak 16. Garagardo Festa antolatu du astebururako. Ostiraletik hasi eta igandera arte, egunero zabalduko dute Zelaa kiroldegia, 18:00etatik aurrera.
Mota askotako garagardoak probatzeko aukera izango da bertan, eta afariak ere emango dituzte. Jokoak eta kontzertuak ere izango dira. Ostiralean, The Frankys etxeko taldeak joko du, afalondoan. Larunbatean berriz, VHS taldea ariko da. Bi egunetan, Josu Rodriguez eta JaviLaz DJen saioak izango dira, kontzertuen ondoren. 
