Gizonezko bat atxilotu dute Beasainen bere pixukidea labanarekin zauritu duelako
Beasainen gizonezko bat atxilotu dute, bere pixukidea labanarekin zauritzeagatik. Ertzaintzak jakinarazi duenez, goizaldeko 01:00etan gertatu da liskarra. Antza denez, bizilagunek, zauritutako gizonezkoa balkoian laguntza eske entzun dute eta larrialdi zerbitzuetara deitu dute. Ertzaintza, segituan gerturatu da iskanbila izan den etxebizitzara eta bertan aurkitu dute zauritua. Gizonezkoak adierazi duenez, pixukidearekin eztabaida izan ondoren, labanarekin erasotu dio eta eskuan egin dio zauria. Zauritua, ospitalera eraman behar izan dute. Erasotzailea, une horretan etxetik alde eginda zegoen baina segituan aurkitu eta atxilotu dute. 24 urteko gizonezkoa da atxilotua.
