Aitor Garmendiak errekor berria jarri du Txindokin
23 ordu eta 12 minutu behar izan ditu Garmendia beasaindarrak Txindokiko 13 igoerak egiteko
Errekor berria jarri du Aitor Garmendiak Txindokin: 23 orduan eta 12 minutuan 13 igoera eta jaitsiera egin ditu mendian. Atzo 18:00etan hasi zuen proba, Larraitzen, eta 24 ordu baino gutxiagoan amaitu du, leku berean. Txalo zaparrada artean iritsi da Garmendia helmugara, eta hainbat pertsona bildu dira bere inguruan: adore handia izateaz gain, babesik ere ez zaio falta beasaindarrari.
