Goierriko xakelari gazteen harrobia
Goierriko I. Xake Jaialdiaren hirugarren eta azken saioa jokatu da gaur Zaldibian. 12 urtez azpiko Goierriko xake jokalari gazteak elkartu dira bertan. Xakearekin gozatzea da jaialdiaren helburua eta parte hartzea saritzen dute. Aurreko bi jaialdiak Lazkaon eta Beasainen jokatu ziren.
Gaurko saioan Wael Elboudi eta Harri Rodriguez zaldibiarrak lehen postuan geratu dira 4.5 punturekin, baina Waelentzako geratu da lehen postua eta Harrirentzat bigarrena. Hirugarren sailkatua Oier zumaiarra izan da.
Hiru saioak kontuan hartuta, berriz, sailkapen orokorrean hiru zaldibiar izan dira onenak: irabazlea Harri Rodriguez (14,5), bigarrena Wael Elboudi (11) eta hirugarrena Anartz Trapero (10,5)
