Mausitxa gaztandegiak irabazi du Euskal Herriko Artzai Gazta onenaren saria

Euskal Herriko Artzai Gazta Txapelketak eta Baserritarren egunak bat egin dute Idiazabalen: bisitariek hainbat ekintza egiteko aukera izan dute

Goierriko Hitza

Idiazabal

2018/10/14

Bergarako Mausitxa gaztandegia Euskal Herriko Artzai Gazta onenaren saria jasotzen.

Elgoibarko Mausitxa gaztandegia Euskal Herriko Artzai Gazta onenaren saria jasotzen.

Elgoibarko Mausitxa gaztandegiak lortu du garaipena Euskal Herriko 35. Artzai Gazta lehiaketan, Idiazabalen. Bigarren postuan gelditu da Lekarozko (Nafarroa) Kortaria gaztandegia, eta hirugarrenaren saria, aldiz, Javier Muñoa zeraindarrak lortu du. Publikoaren saria, azkenik, Arruazuko (Nafarroa) Albi gaztandegiak eskuratu du. Lehenengo saria lortzeko lehian aritu dira 40 gaztagile. Egun berean ospatu dituzte Baserritarren eguna eta Euskal Herriko Artzai Gazta txapelketa Idiazabalen lehenengoz. Eztia, gazta, errezil sagarrak, opilak… hainbat jaki egon dira salgai bertako produktuen azokan. Horretaz gain, bisitariek bertako abeltzainen ganadua ezagutzeko aukera izan dute: behiak, astoak eta ardiak egon dira frontoi zaharrean, besteak beste. Eguerdian transhumantzian igaro da artalde bat herriko kale nagusietatik, eta horren ostean, herri kiroletan trebezia erakutsi dute harri jasotzaile batek eta hiru aizkolarik. Eguraldia aldekoa izan ez den arren, hainbat pertsona bildu dira Idiazabalen.

Azken elkarrizketak

Azken bideoak

Argitalpen bereziak