Ordizia Rugby Elkarteak Burgosera joateko autobusa antolatu du
Asteburuko atsedenaldiaren ondoren, Ampo Ordiziak igande honetako partida du buruan. Burgosen jokatuko dute, UBU Colina taldearen kontra. Ordizia Rugby Elkarteak, autobusa antolatu du, taldea animatzera joateko. Igande goizeko 08:30ean abiatuko da, zuhaiztitik. Partida 12:30ean hasiko da, San Amaro zelaian. Autobus txartelaren truke, bazkaria ere emango dute. Joan nahi duten zaleek, mezu bat bidali behar dute info@ordiziarugby.eus posta helbidera, asteazkena baino lehen. 
