Olentzerock kontzertua egingo dute gaur, Xirimirin
Lazkaoko Xirimiri tabernan kontzertu berezia antolatu dute gaur gauerako. Olentzerock izena jarri diote saioari, eta bi talde eta bikote bat ariko dira. The Grace of Dionysus eta Rodeo taldeek joko dute batetik, eta okasiorako elkartuko diren Petti kantariak eta Eneko Dorronsoro trikitilariak bestetik. Ataundarrak Pettiren azken diskoan kolaboratu du, eta geroztik zenbait emanaldi egin dituzte elkarrekin. Kontzertua 23;30ean hasiko da.
