Manifestazioa egin dute Legazpiko jubilatuek eta pentsiodunek
Astelehenero bezala protesta egin dute Legazpiko pentsiodunek zein jubilatuek; besteak beste, pentsioen igoera KPI-ari lotzea eskatu dute
Astelehenero bezala protesta egin dute Legazpiko jubilatuek eta pentsiodunek. Gaurkoan, udaletxe aurreko elkarretaratzea soila egiteaz gain, manifestazioa ere egin dute. Lortzeko dagoenaren aldarria egin dute gaur. Hain zuzen, pentsioen igoera KPI-ari lotzea eskatu dute agintean dauden politikarien arteko konponketen menpe egotea saihesteko. Finean, oraingoan ere pentsio duinak eskatu dituzte eta, bide batez, lan zein pensioen erreformen ondorio kaltegarriak baztertzea eta pentsio sistema publikoa bermatzea ere bai.
