Aralarri buruzko dokumentala saritu dute Kalifornian
Mountain Film Festival jaialdian Mendiko kultura eta ingurumen saria jaso du On Produkzioek eta Landarlanek egindako dokumentalak.
'Aralar, mundua leku den lurra' dokumentala herriz herri aurkezten jarraitzen dute egileek. Landarlan ingurumen elkarteak eta On Produkzioak etxeak ekoitzitako Aralar, mundua leku den lurra dokumentalak sari bat jaso du AEBetan. Kalifornia estatuko Sierra Nevada mendizerran dagoen Mammoth Mountain hiriko Mountain Film Festivalen aurkeztu dute lana. Mendiko kultura eta ingurumen saria jaso du. Berri pozgarritzat jo dute lorpena sustatzaileek.
