Toberako musikarien hiru saio egun gutxian
Tobera musika eskolako musikariek hiru saio izango dituzte aste honetan, Musika Hamabostaldiaren barruan. Zegamako pianoko eta zeharkako txirulako ikasleen entzunaldia izango da gaur, 19:00etan, Zegamako Jabier Otaegi kultur etxeko Oria aretoan. Bihar, berriz, Agurainera (Araba) joango dira, eta Zortziko Udal Musika Eskolakoekin kontzertua eskainiko dute Harresi aretoan 18:30ean. Ostegunean, azkenik, Segurako pianoko eta zeharkako txirulako ikasleen txanda izango da, 18:30ean, kultur etxean. Argazkian, pasa den ostiralean Zerainen egindako saioa.
