Idiazabaldarren eta eltziegotarren festa
Eltziego eta Idiazabal anaituta daude eta urtean bi topaketa egiten dituzte. Gaur Idiazabalgoa egiten ari dira.
Idiazabal eta Eltziego (Araba) senidetuta daude eta urtero bi bisita egin ohi dituzte. Gaur eltziegotarrak Idiazabalera etorri dira. Goizean Gaiteros de Elciego taldearekin goiz eresia egin dute. Eguerdian, Eltziegoko produktuen dastaketa egin dute. Ondoren, Eltziegoko dantza taldearen saioa egon da. Bitartean, eltziegotarrek patatak egin dituzte, errioxar erara. 500 lagunentzako bazkaria prestatu dute: 150 kilo patata eta 25 kilo txorizo erabili dituzte. Arratsaldean, Farra Marching Band taldeak kaleak girotuko ditu eta 20:00etan gazta eta ardo dastaketa egingo dute.
