Dantzan, ongi etorria eman diote apirilari Zegaman
Dantzari Txiki Eguna ospatu dute Zegaman: bertan izan dira Zegamako Tobera, Segurako Azpilla, Beasaingo Aurtzaka eta Lazkaoko Oin-Arin dantza taldeetako kideak. Tobera Musika Eskolak antolatu du jaialdia, eta eskolako patioan elkartu dira 10:45ean herri guztietako dantzariak. 11:30ean ekin diote desfileari txistularien laguntzarekin.
Musika alaia lagun zutela, herrian zehar bira egin dute dantzariek. Euriak mehatxua egin duen arren, eguraldi aparta izan dute azkenean Zegaman bildu direnek. Udaberriari hasiera emateko jaialdi aparta izan da.
