Segura-Zerain lasterketako ibilbidea ezagutuko dute, igandean
Segura-Zerain mendi lasterketaren ibilbide motza zein luzea ezagutzeko saioa egingo dute igande honetan. Proba maiatzaren 4an izango da.
Maiatzaren 4an jokatuko dute IV. Segura-Zerain mendi lasterketa, baina dagoeneko hasiak dira berotze lanetan. Asteburu honetan, ibilbide motza (25 km.) zein luzea (15 km.) ezagutzeko aukera izango da, iganderako prestatu duten entrenamendu saioarekin. Goizeko 8:30ean elkartuko dira Segurako plazan, eta erritmo ezberdinen arabera osatutako taldetxoetan aterako dira. Ondoren hamaiketakoa egingo dute.
Segura-Zerain lasterketaren antolatzaileek ahalegin berezia egin dute aurten, eta babesleei esker, 100 euroko saria emango dizkiete bi probetako markak hobetzen dituzten korrikalariei.
Probarako izen-ematea zabalik dago oraindik kronoak.com webgunean.
