Beasaingo EH Bilduk herritarrek emandako babesa eskertu du
Beasaingo EH Bilduk eskertza oharra bidali du igandeko hauteskundeetan botoa eman zieten herritarrak eskertzeko. EH Bilduren esanetan, ” bai Foru, bai Europar eta baita Udal bozketan ere gora egin du EH Bilduk. Beasainen ere, ontzat ematen ditugu orokorrean emaitza hauek, herritarrek gure proiektua babestu dutelako. Nahiz eta PNV-ren igoeraren ondorioz, zinegotzi bat gutxiago izango dugun udal ordezkaritzan datozen lau urteetan”.
Beraz, “herritarrek emandako babesa eta Beasain ezkertiarrago baten behar nabariak mugiturik, EH Bildutik gure lanerako prestutasuna berretsi nahi dugu. Proposamen ezkertiarrak udalera bideratuz eta beasaindarrokin elkarlanean, etorkizuneko Beasain eraikiz! Eskerrik asko Beasain!!!!”
