Arriarango urtegi inguruan galdutako gizonezkoaren bila jarraitzen dute
Atzotik desagertuta dagoen 69 urteko olaberritarraren bila jarraitzen dute Beasaingo Arriarango urtegiaren inguruan. Ertzaintzako urpekariak urtegia mihatzen ari dira.
Arriarango urtegian desagertutako gizonezkoaren bila jarraitzen dute, larrialdi eta erreskate zerbitzuek. Lehen datuen arabera, 69 urteko olaberritarra da. Atzo 14:00ak aldera eman zuten abisua haren senideek, falta zela konturatu zenean. Suhiltzaileek eta Ertzainek berehala hasi zituzten bilaketa lanak, eta Arriarango urtegiaren ondoan aurkitu zuten bere autoa. Iluntzera arte jardun bazuten ere, ez zuten arrastorik bilatu eta eten egin behar izan zuten bilaketa. Gaur goizean, berriz ekin diete bilaketa lanei. Ertzaintzako urpekariak urtegia ere mihatzen ari dira.
