Beasaingo Txilibutxof taldeak asteburu pasa antolatu du Beizamara
Ekainaren 28tik 30era joango dira LH 6. mailako eta DBHko ikasleak. Izena eman behar da ekainaren 25erako.
Iazko Beizamako egonaldia. Argazkia: Txilibutxof. Ikasturte amaierako eta udako oporrei ongi etorria emateko, ekainaren 28tik 30era asteburu pasa antolatu du Beasaingo Txilibutxof aisialdi taldeak. Beizamako Legarrategi baserrira joango dira, LH 6. mailako eta DBHko gazteak. Ekainaren 25era arteko epea dago izena emateko, txilibutxof.blogspot.com webguneko formularioa beteta. 20 balio du asteburuko irteerak (egunean bertan ordainduko da).
