Eñaut eta Unai Agirreren 'Auskalo zeinek jarriak' bertso musikatuak
Bertso musikatuen saioa egingo dute Agirre anaiek gaur Igartzan, 'Auskalo zeinek jarriak' emanaldian.
Igartza Musika zikloaren barruan, gaur, 22:00etan, Igartzako jauregian, bertso musikatuen saioa egingo dute Eñaut eta Unai Agirre anai bertsolariek, Imanol Kamio piano jotzaileak lagunduta. Auskalo zeinek jarriak emanaldian, bertso berriak eta zaharrak kantatuko dituzte: Murumendi eta Mallutz aldean ibiliko dira, Aitor Sarriegiren bertsoekin, 1936ko Nafarroako Eulatera eramango ditu Unai Agirrek, eta Lezoko apustu «aldrebesa» berrituko dute Xenpelarrek, Justok eta Longinosek, besteak beste».
