Bazkaria eta sari banaketa egin ditu Goierri Gorrik
Futbol klubeko jokalariek denboraldian egindako lan txukuna goraipatzeko sari banaketa egin dute Beasaingo Gernika pasealekuko pilotalekuan.
Goierri Gorri futbol klubak bazkaria antolatu du Beasaingo Gernika pasealekuko pilotaleku txikian. Bazkariaren ostean, hainbat sari banatu dizkiete klubeko taldeetako neskei euren lan txukuna goraipatzeko. Azken urteotan Goierri Gorrik lan handia egin du emakumeen futbolaren alde.
Goierriko futbol taldea jarduera eta ekintza askoren inguruan aritu da denboraldi honetan. Besteak beste, Berdintasunaren aldeko lehenengo txapelketa ospatu zuen, eta Futbol Inklusiboko torneoan ere hartu zuen parte.
